|
လုပ်ငန်းလိုင်စင် ထုတ်ပေးမှုလုပ်ထုံးလုပ်နည်း
အသစ်လျှောက်ထားခြင်း
၁။ ကိုယ်ပိုင်ယာဉ်မှ အငှားယာဉ်ပြောင်းလဲ အသစ်လျှောက်ထားခြင်းနှင့်အငှားယာဉ် ဖြစ်သော်လည်းလုပ်ငန်းလိုင်စင်မရှိသေးသဖြင့်လျှောက်ထားခြင်းများ ကိုအောက်ပါအတိုင်း ဆောင်ရွက်ရန်ဖြစ်ပါသည် -
(က) ကိုယ်ပိုင်ယာဉ်မှအငှားယာဉ်ပြောင်းလဲလျှောက်ထားခြင်း။ အောက်ဖော်ပြပါစာရွက်စာတမ်းများယူဆောင်လာရပါမည်-
(၁) လျှောက်လွှာ။
(၂) သက်တမ်းရှိ (ကမ - ၃) မူရင်း / မိတ္တူ။
(၃) ယာဉ်ဓါတ်ပုံ (၃) ပုံ (ရှေ့၊ နောက်၊ ညာဘေး)။
(၄) လုပ်ငန်းလာရောက်ဆောင်ရွက်သူ၏ ဓါတ်ပုံပါရှိသော စိစစ်ရေးကဒ်တစ်ခုခု၏ မူရင်း / မိတ္တူ။
(၅) လျှောက်ထားသည့် လုပ်ငန်းနှင့် သင့်တော်ခြင်းရှိ / မရှိ ကုန်းလမ်းပို့ဆောင်ရေးညွှန်ကြားမှုဦးစီးဌာန၏ ထောက်ခံချက်နှင့် အငှားယာဉ် မှတ်ပုံတင်ပြီးကြောင်း ထောက်ခံချက်။
(၆) 'ခ' လိုင်စင်အတွက် သက်ဆိုင်ရာ ကုန်းလမ်းနှင့်ပြည်တွင်းရေကြောင်းသယ်ယူပို့ဆောင်ရေးအဖွဲ့မှ ယာဉ်လိုင်းပြေး ဆွဲရန် တရားဝင် ခွင့်ပြုထားသည့် သက်ဆိုင်ရာယာဉ်လိုင်း / အသင်း၏ ထောက်ခံချက်။
(၇) 'ဃ' လိုင်စင်နှင့် 'င' လိုင်စင်အတွက် ဖြစ်ပါက လုပ်ငန်းဆောင်ရွက်ကြောင်းလာရောက်ဆောင်ရွက်သူ၏ခံဝန်ချက်။
(ခ) အငှားယာဉ်ဖြစ်သော်လည်း လုပ်ငန်းလိုင်စင်မရှိသေးသဖြင့် လျှောက်ထားခြင်း။ အောက်ဖော်ပြပါစာရွက်စာတမ်းများ အားယူဆောင်လာရပါမည် -
(၁) လျှောက်လွှာ။
(၂) သက်တမ်းရှိ (ကမ - ၃) မူရင်း / မိတ္တူ။
(၃) ယာဉ်ဓါတ်ပုံ (၃) ပုံ (ရှေ့၊ နောက်၊ ညာဘေး)။
(၄) လုပ်ငန်းလိုင်စင် ထုတ်ပေးပြီးကြောင်း သက်ဆိုင်ရာ ကုန်းလမ်းပို့ဆောင်ရေး ညွှန်ကြားမှုဦးစီးဌာနသို့အကြောင်းကြား စာပးပို့ရန်။
(၅) လုပ်ငန်းလိုင်စင် ထုတ်ပေးပြီးကြောင်း သက်ဆိုင်ရာကုန်းလမ်းပို့ဆောင်ရေးညွှန်ကြားမှုဦးစီးဌာနသို့အကြောင်းကြား စာပးပို့ရန်။
(၆) 'ခ' လိုင်စင်အတွက် သက်ဆိုင်ရာ ကုန်းလမ်းနှင့်ပြည်တွင်းရေကြောင်းသယ်ယူပို့ဆောင်ရေးအဖွဲ့မှ ယာဉ်လိုင်းပြေးဆွဲရန် တရားဝင်ခွင့်ပြုထားသည့် သက်ဆိုင်ရာ ယာဉ်လိုင်း / အသင်း၏ ထောက်ခံချက်။
(၇) 'ဃ' လိုင်စင်နှင့် 'င' လိုင်စင်အတွက် ဖြစ်ပါက လုပ်ငန်းဆောင်ရွက်ကြောင်း လာရောက်ဆောင်ရွက်သူ၏ ခံဝန်ချက်။
အသစ်လဲလှယ် (သက်တမ်းတိုး) ရန်လျှောက်ထားခြင်း
၂။ လုပ်ငန်းလိုင်စင် အသစ်လဲလှယ် (သက်တမ်းတိုး)ရန် လျှောက်ထားခြင်းများအတွက် အောက်ဖော်ပြပါစာရွက်စာတမ်းများအားယူဆောင်လာရပါမည် -
(က) လျှောက်လွှာ။
(ခ) အပိုင်း ၁။ ၂ တြိဂံ။
(ဂ) သက်တမ်းရှိ (ကမ - ၃ ) မူရင်း / မိတ္တူ။
(ဃ) လာရောက်ဆောင်ရွက်သူ၏ ဓါတ်ပုံပါရှိသော စိစစ်ရေးကဒ်တစ်ခုခု၏ မူရင် / မိတ္တူ။
မိတ္တူထုတ်ရန်လျှောက်ထားခြင်း
၃။ လုပ်ငန်းလိုင်စင်ပျက်စီးခြင်းနှင့် ပျောက်ဆုံးခြင်းများအတွက် အောက်ဖော်ပြပါစာရွက်စာတမ်းများအား ယူဆောင်လာရပါမည် -
(က) ပျက်စီးခြင်း
(၁) လျှောက်လွှာ။
(၂) အပိုင်း ၁။ ၂ တြိဂံ။
(၃) လုပ်ငန်းလာရောက်ဆောင်ရွက်သူ၏ ဓါတ်ပုံပါရှိသော စိစစ်ရေးကဒ်တစ်ခုခု၏ မူရင် / မိတ္တူ။
(ခ) ပျောက်ဆုံးခြင်း
(၁) လျှောက်လွှာ။
(၂) (ကမ - ၃) မူရင်း / မိတ္တူ။
(၃) ရဲစခန်းထောက်ခံချက်။
(၄) လုပ်ငန်းလာရောက်ဆောင်ရွက်သူ၏ ဓါတ်ပုံပါရှိသော စိစစ်ရေးကဒ်တစ်ခုခု၏ မူရင်း / မိတ္တူ။
ပြောင်းလဲခြင်းများလျှောက်ထားခြင်း
၎။ ပိုင်ရှင်အမည်ပြောင်းလျှောက်ထားခြင်းနှင့် နေရပ်လိပ်စာပြောင်းလျှောက်ထားခြင်းများအတွက် အောက်ဖော်ပြပါစာရွက်စာတမ်းများအားယူဆောင်လာ ရပါမည် -
(က) ပိုင်ရှင်အမည်ပြောင်းလျောက်ထားခြင်း။ အောက်ဖော်ပြပါစာရွက်စာတမ်းများအား ယူဆောင်လာရပါမည် -
(၁) လျှောက်လွှာ။
(၂) အပိုင်း ၁ ။ ၂ တြိဂံ။
(၃) (ကမ - ၃) မူရင်း / မိတ္တူ။
(၄) (ကမ - ၃) တွင်အမည်ပေါက်ပြီးသော ပိုင်ရှင်အမည်သို့ပြောင်းပေးရန်။
(၅) လုပ်ငန်းလာရောက်ဆောင်ရွက်သူ၏ ဓါတ်ပုံပါရှိသော စိစစ်ရေးကဒ်တစ်ခုခု၏ မူရင် / မိတ္တူ။
(ခ) နေရပ်လိပ်စာပြောင်းလျှောက်ထားခြင်း။ အောက်ဖော်ပြပါစာရွက်စာတမ်းများအား ယူဆောင်လာရပါမည် -
(၁) လျှောက်လွှာ။
(၂) အပိုင်း ၁ ။ ၂ တြိဂံ။
(၃) မိမိဌာနတွင်ဦးစွာ လာရောက်ဆောင်ရွက်လျှင် လျှောက်ထားသူ၏ အိမ်ထောင်စုစာရင်း(သို့မဟုတ်)ရပ်ကွပ်အုပ်ချုပ် ရေးမှူးထာက်ခံချက်။
(၄) ဆောင်ရွက်ပြီးပါက ကုန်းလမ်းပို့ဆောင်ရေးညွှန်ကြားမှု ဦးစီးဌာနသို့ နေရပ်လိပ်စာပြောင်းကြောင်း အကြောင်းကြားစာပေးပို့ရန်။
(၅) ကုန်းလမ်းပို့ဆောင်ရေးညွှန်ကြားမှုဦးစီးဌာနတွင် ဆောင်ရွက်ပြီးမှလာရောက်ဆောင်ရွက်ပါက (ကမ-၃)ပါ လိပ်စာသို့ပြောင်းလဲပေးရန်။
(၆) လုပ်ငန်းလာရောက်ဆောင်ရွက်သူ၏ ဓါတ်ပုံပါရှိသော စိစစ်ရေးကဒ်တစ်ခုခု၏ မူရင်း / မိတ္တူ။
(ဂ) နယ်ဝင်နယ်ထွက်လျှောက်ထားခြင်း။ အောက်ဖော်ပြပါစာရွက်စာတမ်းများအား ယူဆောင်လာရပါမည် -
(၁) နယ်ထွက်လျှောက်ထားခြင်း
(ကက) လျှောက်လွှာ။
( ခခ ) အပိုင်း ၁ ။ ၂ တြိဂံ။
( ဂဂ ) လုပ်ငန်းလာရောက်ဆောင်ရွက်သူ၏ ဓါတ်ပုံပါရှိသော စိစစ်ရေးကဒ်တစ်ခုခု၏ မူရင် / မိတ္တူ။
(၂) နယ်ဝင်လျှောက်ထားခြင်း
(ကက) လျှောက်လွှာ။
( ခခ ) (ကမ - ၃) သို့မဟုတ် ကညနတွင် နယ်ဝင်ပြီးကြောင်း အထောက်အထား။
( ဂဂ ) ယာဉ်လက်ဝယ်ရှိသူ၏ မှတ်ပုံတင်၊ အိမ်ထောင်စုစာရင်း မူရင်း / မိတ္တူ။
(ဃဃ) သက်ဆိုင်ရာပစနရုံးမှ လုပ်ငန်းဖျက်သိမ်းအကြောင်းကြားစာမပါရှိပါက သတ်မှတ်ဒဏ်ကြေးကောက်ခံဆောင်ရွက်ပေးရန်။
( ငင ) လုပ်ငန်းလာရောက်ဆောင်ရွက်သူ၏ ဓါတ်ပုံပါရှိသော စိစစ်ရေးကဒ်တစ်ခုခု၏ မူရင်း / မိတ္တူ။
(၃) ကညနမရှိသော ရုံးများတွင် နယ်ဝင်ဆောင်ရွက်ခြင်း
(ကက) ကညနယ်ထွက်စာ။
( ခခ ) (ကမ - ၃) မူရင်း / မိတ္တူ။
( ဂဂ ) ယာဉ်လက်ဝယ်ရှိသူ၏ မှတ်ပုံတင်၊ အိမ်ထောင်စုစာရင်းမူရင်း / မိတ္တူ။
(ဃဃ) သက်ဆိုင်ရာပစနရုံး၏ဖျက်သိမ်းစာ။
( ငင ) သက်ဆိုင်ရာ တိုင်းဒေသကြီး / ပြည်နယ် ကရဖ၏ လုပ်ငန်းဆောင်ရွက်ရန်ခွင့်ပြုချက်။
( စစ ) 'စ' ယာယီလက်မှတ်အား လုပ်ထုံးလုပ်နည်းနှင့်အညီထုတ်ပေးရန်။
(ဆဆ) ကညနတွင် နယ်ဝင်ဆောင်ရွက်ပြီးပါက သက်ဆိုင်ရာ လုပ်ငန်းလိုင်စင်ကို ထုတ်ပေးရန်။
(ဃ) လုပ်ငန်းအမျိုးအစားပြောင်းလဲလျှောက်ထားခြင်း။ အောက်ဖော်ပြပါစာရွက်စာတမ်းများအား ယူဆောင်လာရပါမည် -
(၁) လျှောက်လွှာ။
(၂) အပိုင်း ၁။ ၂ တြိဂံ။
(၃) ပြောင်းလဲလျှောက်ထားသည့် လုပ်ငန်းကိုဆောင်ရွက်ရန် သင့်လျော်ခြင်းရှိ / မရှိသက်ဆိုင်ရာကညန၏ ထောက်ခံချက်။
မှတ်ချက် ။ - 'ခ' လိုင်စင်၊ 'စ' လိုင်စင်၊ 'ဃ' လိုင်စင်စသည့် ခရီးသည်တင်လုပ်ငန်းလိုင်စင် အမျိုးအစားများ အပြန်အလှန်
ပြောင်းလဲခြင်းအတွက် ယာဉ်စစ်စေလွတ်ခြင်း မပြုဘဲဆောင်ရွက်ရန်။
- လုပ်ငန်းဆောင်ရွက်ပြီးကြောင်းသက်ဆိုင်ရာ ကုန်းလမ်းပို့ဆောင်ရေးညွှန်ကြားမှု ဦးစီးဌာနသို့ အကြောင်းကြား
စာပေးပို့ရန်။
(၄) 'ခ' လိုင်စင်မှ ပြောင်းလဲခြင်းဖြစ်ပါက သက်ဆိုင်ရာ ယာဉ်လိုင်း / အသင်း၏ နှုတ်ထွက်စာ။
(၅) လုပ်ငန်းလာရောက်ဆောင်ရွက်သူ၏ ဓါတ်ပုံပါရှိသော စိစစ်ရေးကဒ်တစ်ခုခု၏ မူရင်း / မိတ္တူ။
ခရီးစဉ်သတ်မှတ်ခွင့်ပြုခြင်း
၅။ ခရီးစဉ်သတ်မှတ်ခွင့်ပြုခြင်းကိုအောက်ပါအတိုင်းဆောင်ရွက်ရန်ဖြစ်ပါသည် -
(က) ကုန်စည်ပို့ဆောင်ခွင့် ယာဉ်များအတွက် တိုင်းဒေသကြီး / ပြည်နယ်အားလုံး (သို့မဟုတ်) ပိုင်ရှင်ဆန္ဒဖြင့် လျှောက်ထားသောခရီးစဉ်။
(ခ) ခရီးသည်ပို့ဆောင်ခွင့်ယာဉ်များအတွက် သက်ဆိုင်ရာတိုင်းဒေသကြီး / ပြည်နယ် ကုန်းလမ်းနှင့်ပြည်တွင်းရေကြောင်းသယ်ယူပို့ဆောင်ရေး အဖွဲ့မှ တရားဝင်ခွင့်ပြုထားသည့်ခရီးစဉ်။
(ဂ) စင်းလုံးငှားပို့ဆောင်ခွင့် ယာဉ်များအတွက် သာမန်အားဖြင့် တိုင်းဒေသကြီး / ပြည်နယ်အတွင်း (သို့မဟုတ်) ပိုင်ရှင်ဆန္ဒဖြင့် လျှောက်ထားသော ခရီးစဉ်။
(ဃ) ပဋိညာဉ်အရပို့ဆောင်ခွင့်ယာဉ်များအတွက် လုပ်ငန်းနှင့်အကျုံးဝင်သည့်ခရီးစဉ်။
(င) ကိုယ်ပိုင်စီးပွားရေး ပို့ဆောင်ခွင့်ယာဉ်များအတွက် သာမန်အားဖြင့်တိုင်းဒေသကြီး /ပြည်နယ်အတွင်း (သို့မဟုတ်) ပိုင်ရှင် ဆန္ဒ ဖြင့်လျှောက်ထားသောခရီးစဉ်။
(စ) ကညနနယ်ဝင်မဆောင်ရွက်ရသေးသော 'စ' ယာယီထုတ်ပေးထားသည့် ယာဉ်များအား တိုင်းဒေသကြီး / ပြည်နယ်အတွင်းခရီးစဉ်။
လုပ်ငန်းလိုင်စင်ဖျက်သိမ်းရန်လျှောက်ထားခြင်း
၆။ လုပ်ငန်းလိုင်စင်ဖျက်သိမ်းရန်လျှောက်ထားခြင်းအတွက် အောက်ပါတို့ကိုစိစစ်ဆောင်ရွက်ရပါမည် -
(က) လျှောက်လွှာ။
(ခ) အပိုင်း ၁။ ၂ တြိဂံ။
(ဂ) ပိုင်ရှင် (သို့မဟုတ်) ယာဉ်လက်ဝယ်ရှိသူ၏ မှတ်ပုံတင်မူရင် / မိတ္တူနှင့် ကိုယ့်တိုင်လာရောက်ဆောင်ရွက်ရန်။
(ဃ) ပျောက်ဆုံးပါက ရဲစခန်းထောက်ခံချက် (ပျောက်ဆုံး / ပျက်စီး၍ မိတ္တူထုတ်ခြင်း လုပ်ထုံးလုပ်နည်းနှင့်အညီ ဆောင်ရွက်ရန်။
(င) 'ခ' လိုင်စင်အတွက် သက်ဆိုင်ရာ ကုန်းလမ်းနှင့်ပြည်တွင်းရေကြောင်းသယ်ယူပို့ဆောင်ရေးအဖွဲ့မှ တရားဝင်ခွင့်ပြုထားသည့် သက်ဆိုင်ရာ ယာဉ်လိုင်း / အသင်၏ နှုတ်ထွက်စာ။
ခရီးသည်ပို့ဆောင်ရေးလုပ်ငန်း လုပ်ကိုင်ဆောင်ရွက်ရန် လျှောက်ထားသော ယာဉ်အသင်း / အဖွဲ့များကို စိစစ်ခွင့်ပြုဆောင်ရွက်ရမည့် လုပ်ထုံးလုပ်နည်း
၇။ တိုင်းဒေသကြီး / ပြည်နယ်အတွင်း ခရီးစဉ်ယာဉ်လိုင်းအသစ် ပြေးဆွဲခွင့်လျှောက်ထားသည့် ယာဉ်အသင်းအဖွဲ့များသည်အောက်ပါစာရွက်စာတမ်း များနှင့်အတူ တင်ပြလျှောက်ထားရမည် -
(က) ခရီးသည်ပို့ဆောင်ရေးလုပ်ငန်းလုပ်ကိုင်ဆောင်ရွက်ခွင့်ပြုရန်လျှောက်ထားချက်။
(ခ) ယာဉ်အသင်း / အဖွဲ့၏ သယ်ယူပို့ဆောင်ရေးလုပ်ငန်းဆောင်ရွက်မည့်လုပ်ငန်းစီမံချက်။ စီမံချက်တွင်အောက်ပါအချက်များ အား ပြည့်စုံစွာဖော်ပြရမည် -
(၁) ယာဉ်အသင်း / အဖွဲ့အမည်။
(၂) အသင်းအုပ်ချု့ပ်မှုအဖွဲ့/ ဖွဲ့စည်းပုံ။
(၃) ပြေးဆွဲမည့် ခရီးစဉ်ဒေသ။
(၄) ပြေးဆွဲမည့်ယာဉ်အမျိုးအစားနှင့် အရေအတွက်။
(၅) နေ့စဉ်ပြေးဆွဲမည့်ယာဉ်စီးရေ (ယာဉ်ထွက်ခွါချိန် အချိန်ဇယာားဖော်ပြရန်)။
(၆) ပြေးဆွဲမည့်ယာဉ်များ၏ ယာဉ်အမှတ် / ယာဉ်အမျိုးအမည် / ယာဉ်အမျိုးအစား။
(၇) သက်ဆိုင်ရာအဝေးပြေးယာဉ်ရပ်နားစခန်းတွင် ဂိတ်ခန်းဖွင့်လှစ်ဆောင်ရွက်မှု အခြေအနေ။
(၈) တောင်းခံမည့် ယာဉ်စီးခနှုန်းထားများ၊ အခမဲ့ခွင့်ပြုမည့် ပစ္စည်းတင်ဆောင်မှု၊ တန်ဆာခများ။
(၉) စက်သုံးဆီ အစီအစဉ်။
(ဂ) လျှောက်ထားသူ၏ မှတ်ပုံတင်နှင့်သန်းခေါင်စာရင်း (မူရင်း / မိတ္တူ)
|
ကြေငြာချက်များ